Политика за приватност

Дознај е агрегатор на наслови од македонски медиуми. Не бараме регистрација, не собираме имиња или е-пошта. За броење посети користиме Google Analytics, со колачиња само ако се согласите (видете подолу). Евентуалните реклами се директно договорени слики со линк: кликот поминува преку наш бројач кој само брои (без колачиња, без профил), а сликата се вчитува од огласувачот без да го испраќаме упатувачот (referrer). Оваа страница објаснува што сепак стигнува до нашиот сервер и зошто. За тоа што се чува локално на вашиот уред, видете Политиката за колачиња.

Кои податоци се обработуваат

• IP адреса — привремено, само за ограничување на бројот на барања (заштита од преоптоварување и од напади врз формата за најава). Се чува во меморија на серверот најмногу една минута и не се запишува во база на податоци.
• Адреса за достава на известувања — само ако изречно вклучите известувања за важни вести. Прелистувачот создава анонимна адреса која се чува кај нас за да можеме да ви испратиме известување. Не содржи име, е-пошта ниту локација, и се брише штом ќе ги исклучите известувањата или штом прелистувачот ја откаже.
• Координати за времето — само ако дозволите пристап до локација. Нашиот сервер ги користи за да го земе локалното време и квалитетот на воздухот и не ги запишува трајно ниту ги поврзува со вас.
• Анонимни отворања на приказни — бројач колку пати една приказна е отворена, за списокот „Најчитани денес". Се зголемува само бројач; не се чува кој кликнал, ниту кога.
• Гласови во анкета — ако гласате во анкетата на насловната страна, се запишува само вашиот избор и еден хеш: неповратен отпечаток пресметан од вашата IP адреса, бројот на анкетата и таен клуч на серверот. Самата IP адреса не се чува. Бројот на анкетата е дел од отпечатокот намерно — тоа значи дека можеме да спречиме двојно гласање во иста анкета, но не можеме да поврземе дека истиот човек гласал во две различни анкети. Дополнително, во прелистувачот се зачувува ознака дека сте гласале, за да ги видите резултатите кога ќе се вратите.
• Технички логови — веб-серверот води стандардни логови за пристап (време, побарана адреса, IP, тип на прелистувач) за дијагностика и безбедност.

Што НЕ правиме

• не поставуваме рекламни колачиња, а колачињата за аналитика само со ваша согласност,
• не создаваме профили на читатели и не следиме кој што чита,
• не продаваме и не изнајмуваме податоци на трети страни,
• не бараме и не чуваме име, е-пошта, телефон или адреса на читателите.

Надворешни услуги

Барањата до Open-Meteo (време и квалитет на воздух), Народна банка на Република Северна Македонија (курсна листа), lichess.org (дневната шаховска задача) и Anthropic (за неутралните резимеа) ги прави нашиот сервер, не вашиот прелистувач — тие услуги не ја добиваат вашата IP адреса. Кон Anthropic се испраќаат само јавно објавени наслови и описи од медиумите, никогаш податоци за читатели.

Единствен исклучок е Cloudflare: кога темата е автоматска, прелистувачот може да направи едно барање до нивниот cdn-cgi/trace за да го дознае кодот на вашата држава, за да знаеме кога кај вас заоѓа сонцето. Тоа барање доаѓа од вашиот уред, па Cloudflare ја гледа вашата IP адреса. Се прави само ако часовната зона на прелистувачот не ни е доволна, резултатот се кешира една недела, и воопшто не се прави ако рачно изберете светла или темна тема.

Насловните слики, пак, се вчитуваат директно од серверите на оригиналните медиуми, така што нивните сервери го гледаат стандардното барање од вашиот прелистувач. Тоа е објаснето подетално во Политиката за колачиња.

Колку долго се чува

• IP адреси за ограничување на барања — до една минута, само во меморија;
• адреси за известувања — додека не ги исклучите известувањата;
• гласови во анкета (избор + неповратен хеш, без IP) — колку што стои анкетата;
• написи и приказни (јавно објавени содржини од медиумите) — 180 дена;
• логови на веб-серверот — до 14 дена.

Ваши права

Според Законот за заштита на личните податоци и ГДПР имате право на пристап, исправка, бришење и ограничување на обработката. Бидејќи не чуваме податоци што ве идентификуваат, во практика единствениот податок поврзан со вас е адресата за известувања — неа ја бришете самите, со исклучување на известувањата преку ѕвончето во горниот дел на страницата.